باغیریر تورپاقدا شهیدلر قانی

UNPO

آداملار نه واخت سئوينه بيلللر!!!!!!!!!!!!!

او زامان کي بيري فيکيرچي و ضييالي اولاراق(؟؟؟؟؟؟) بير دن بيره  منم منم دييه دييه  او بيريلرين فيکيرلريني هئچه وورمايا. اوز فيکري و رأييله داورانان آداما نه دئمک؟ هانکي واخت هانکي منطيق ايله دارتيشيب سيز ..........اير ميللته دير وئرميسيز وئرمه يين!!!! باري اونلارين ايچيندن قالخان ضييالي لاري هئچه وورمايين.

پس بو گئري قالميش مملکتده هاي کويوزايله خوش اولون سيز سئوينين هامينين يئرينه....................................................................

بو یازی ریاست جمهوری اینتیخاباتینین زامانی یازیلیب و شورالار سئچگیسی ایله هئچ ایلگیسی یوخ.............

زامانی کئچمیش بیر یازیدی آما یازیدیر دا..............

آلما آتدیم نار گلدی اما یاشاییش یاشاییشی قان قوسانلارا دار گلدی، یادیرقانمیش بیر کولگه دن نه چیخار. کیفلنمیش کولگه لرده  بیر یاراتک دئشیم دئشیم دئشیلیب آغرییان سئودانی آختارماق نه یاوا. بو یاندان کولگه دوشدو اما بو کولگه نه سئودا باغینین چیچکلنمه سین موشتولوقلاییر و نه یارین گلمه سین.

بو کولگه دلی بیر یئلین فیرتیناسینا دوشوب گونشین اونونده قیرجانیب یاغماماقدان حیکایت ائدن بیر بولوتدور. بوتون خبرلر، تیترلر، رادیولار، هامیسی موشتولوقلو سوزلر یازماقدا، دئمکده، یانشاماقدا. بو کولگه بابکین دوداقلارینین ماهنی سین اولدورمکده ، جسارت بویالی غیرتین قانینا سوسامیش و آذربایجانی قینیندا پاسلاتماقدا.

قورخو توزاغینا دوشوب سیناجاق قلمللر و «ائله بیلدیم» فیرتیناسیندا سرسمله یجک. هله ده تریبونلار آرخاسیندا های وئرجک:

آلما آتدیم نار گلدی

کوینگ آلدیم دار گلدی

او یاندان کولگه دوشدو

ائله بیلدیم یار گلدی

سلام

بو گون نه شعر ایستیرم یازام نه ادبی بیر یازی. هردن دوغروسو ضییالیلاریمیزین ضیالی اولدوغونا شوبهه لنیرم. بعضی یازیلاری اوخودوقجا اوز اوزومه غریب لیکدن آز قالا اولورم. ایندی 2006 میلادی دیر و بیز پوست مدرن دونیادا یاشاییریق. چوخلاری دئییللر بیز یوخ بلکه باتیلیلار بئله دیلر. اما هامی بیلیر کی ایندی گوج اونلارین الینده دیر و بوتون هر نه یین آخیشی اونلارین فرهنگینه  ساری دیر. اورنکسه سئزان آکسو کیمی بویوک تورک بسته کاری انله بیر گوزل چالقینی بسته کارلیق ائدیر کی دوغروسو ائشیتدیکجه آدامی دویغولاندیریر اما بو چالقی باتی چالقی سیدیر نه دوغو چالقیسی کی بلکه چوخوز ائشیتمی سیز. هر حالدا چوخ اوزالتمیرام سوزو. ایندی ایسه بئله بیر دونیادا (نیچه کیمین بیر فیلسوفون عصرینده) بیزلر یئر اوزونده اوزوموزه تانری آختاریریق و بیر نئچه اونملی مسأله ده ضعیف ایشله ییب ضعف گوسترن آداملارا تاپینماغی اوزوموزه اصل بیلیریک البته دئملییم کی من بورادا مسأله یه چوخ یاخچی باخیرام ایر ایستسک چوخلو آخساخلیقلاریدا بورادا دانیشاق نه بیلیم نه اولار آللاه بو میللی حرکتین آخیرین خیر ائله سین........

21 آذر حماسه سی بوتون آذربایجانلی لارا موبارک

اولسون

اوزگورلوک

سوموکلریمده سیز سیز سیزیلد ایان سوزجوکلر، تئللرینده اسیم اسیم اسن آزادلیق، تاریخین کار قولاغییندا ایری حلبی تک جینگیلدییه جینگیلدییه قالان، الدن اله کئچیب بارماقلارین ایزلرینده ایتن بیر آنلام. بارماقلاریلا  ایسارت هورگوسون هوروب سوموکلریمی بنده چکن سوزجوک. یاراشیق سیز یئرلری بئزه ییب، بئیین لرده سللوللارین ساییجا پارچالانان، تنگه گلیب خسته خانا تختینین اوستونده بیر داملا اوکسیژنه یالواران آزادلیق. سیاست چی لرین های کویلرینده هویوخوب سارساخلییان. کرپیچ کرپیچ ارگین اوریینده یارالانان، بذ قالاسینین یوللاریندا ایزلره سریلیب گوزلرین ببکلرینده بایراقلانان، ساتان و ساتیلان، اورگیمده قالان، اوچان، ایشیق ساچان و ظولمتی باغرینا باسان. اللرده چیچکله نه چیچکله نه دالیدان تاخیلان خنجر. ویلییام والاسین باغیرتیسیندا آغری یانقی سی، تاریخین قولاغین کار ائدن سوزجوک، نه بیلیم کورتلشمیش پیچاق تک، پیچاق آنلامین سوروتله ییب بیر سوغانی کسمه یه قادیر اولمایان.

بیر نئچه زاماندان سونرا ایستمیردیم یازیلاریمی بئله باشلییام اما بیزیم ،بو گرگینلییه اویرنمیش اولکه میزده اولمور. بو گونلر بیزیم فیکریمیزه حاکیم اولان دوغو فرهنگینه فیکیرلشیردیم.بشر او قدر ضعیفدیرکی داییما بیر دالداناجاق دالیسیجا گزیر و بو دالداناجاق دالیسیجا گزمک اونو چوخلو  تابولارا معروض قویور. آسلانماق هوسیله هر نه یه یاخینلاشیر. بیر کسی ائله عرش اعلایا چیخاردیر کی ذهنینده داها اونون ائندیرمه سی چتین اولور. دئمک بیز سایغی ایلا موستقیل فیکره صاحیب اولمانین آراسیندا کسکین لیکله بیر پارادوکس گوروروک. 

تاپیناجاق آختاریریق تاپینماغا کاش  او بوتو ایچیمیزده تاپاق فیکریمیزده یارادیجیلیغی میزدا آخی نییه باشقالارینین باجاریقسیزلیغیندا..............بیر میلتین گله جه ییله اویناماق، رومانتیک فیکیرلره دالماق، بیله بیله و بیلمه یه بیلمه یه اوچوروما ساری گئتمک ...................................................

اوخویورام بلکه ائشیدسن

ائشیدیرم بلکه دانیشاسان

 نئدن بئله سوسقون

 بو سایخین گئجه لری بایقوش سسیله سسلندیرمه

 سس وئر یازیلاریما

 بلکه سنی ائشیدم

بو آیدینلیقدا اولمک اولماز خیاوانلار تاپداناقیندا آیاقلار

 ایزینده بو آیدینلیقدا معصومیت قایداسی گوزلرده

 چوروینمز. قال بو گون ایشچی اوشاقلارین خینوولی

 گوزلرینه خاطیر آغلا بو گئجه آذربایجان تهران کوچه

 خیاوانلاریندا تک باشینا یاپا یالنیز چوروم چورو

 چوروین اوشاقلاریوا خاطیر. نئجه دوزورسن بو

 آیریلیقا نئجه آغیز آچمیز وولکانلی یارالارین نئجه

 گیلیلنمیر شاعیر اوریین یاز بو یالقیزلیغی بلکه

 اوشاقلارین الینده آچیلمایان چیچکلر اوتانا یاغ بو گئجه

 یالقیز اوشاقلارین معصومیتلرینه یااااااااااااااااااز 

کئچن هفته ماراغادا کنسرت واریمیش.بونا امینم بویله بیر کنسرت آذربایجاندا چوخ یئکه بیر ائتگی بوراخار. یاساقلی هاوالاردان تنفس ائله ییب آجیلی توستولو کوکسولری اودماق بیزلری آذربایجاندا یامان درده سالیب. هر زامان سسیمیزی اوغورلاییب دینمه دن آجیلاری اودماق دردی بلکه بویله بیر کنسرتیله تسلی تاپا. هردن آجیلار ماهنییادا چئوریله بیلیر. آلما اتدیم نار گلدی اما زامان نه یامان بیزه دار گلدی. دار پالتاردی اینیم جانیمی سیخیر ایستیرم اینیمی چیخاردام آتام.آذربایجاندا سازین بیر تئلینینده سسلنمه سی بلکه سوسموش بولاغلاری دیله گتیره.......هی نه یامان یئکه دیر بو درد بو هیچقیریق.......